11 އަހަރު: މީމުގެ ފުރަތަމަ އެއާޕޯޓަށް ކުރި ދަތުރު!
މީހުން ދިރިއުޅޭ އަށް ރަށް އޮންނަ މ. އަތޮޅަކީ ދަތުރުފަތުރުގެ ނިޒާމް އޮތް ގޮތުން ތަރައްގީގެ މަގުޗާޓުން އެކަހެރިވެފައި އޮތް އަތޮޅެކެވެ. އަތޮޅުގެ ރަށްތަކުގެ މީހުންނަށް އެ ރަށްތަކުން ބޭރަށް ދިޔުން އޮތީ ތަކުލީފަކަށްވެފަ އެވެ. އެކަމަކު, އެ ރަށު ބަންދަށް ބޮޑު ލުޔެއް ލިބިގެންދާނެ ކަމުގެ އުއްމީދު އިއްޔެ ވަނީ އަތޮޅުގެ ރައްޔިތުންނަށް ކުރުވައިފަ އެވެ. އަތޮޅުގެ ފުރަތަމަ އެއާޕޯޓް މ. މުލީގައި އިއްޔެ ރަސްމީކޮށް ހުޅުވައިފި އެވެ.
