މާލީ

މި މައްސަލާގައި ދެކޮޅަށް ވެސް ބަހުސް ކުރެވިދާނެ ގިނަ ކަންކަން އެބަހުއްޓެވެ. އެކަމަކު އަސްލު ސުވާލު އެއްވެސް ބަޔަކު ނުކުރެ އެވެ. މަލްޓި ބިލިއަން ޑޮލަރުގެ ދުނިޔޭގެ އެއް ވަނަ ޓޫރިޒަމް ޑެސްޓިނޭޝަނަށް ފަސް ލައްކަ މީހުން ބޭނުންވާ ވަރަށް ޑޮލަރު ހަމަޖައްސާ ނުދެވިގެން މިއުޅެނީ ކީއްވެ ހެއްޔެވެ؟ އަހަރަކަށް ވުރެ އަހަރެއް ޓޫރިސްޓުން އިތުރުވި ނަމަވެސް ގައުމީ ބޭންކުން ދިވެހިންނަށް ދޭ ޑޮލަރު ތާށި ކުރަން ޖެހެނީ ކީއްވެ ހެއްޔެވެ؟ މީގެ ކުރު ޖަވާބަކީ ފޫ ވެއްޓިފައިވާ ސިޔާސަތުތަކުގެ ސަބަބުން ރާއްޖެ ވަންނަ ޑޮލަރުގެ ރާހަތެއް ދިވެހިންނަށް ނުކޮށް ގައުމުން ބޭރުވުމެވެ. ބޭންކުން އެ ބުނާ 45 މިލިއަނަށް ވުރެ އެތައް ގުނައެއް ގިނައިން އެހެން ދިމަދިމާލުން ބޭރުވެ އެވެ!