އޮސްޓްރޭލިއާގެ ސަރުކާރުން އެމްއެންޑީއެފް އަށް ގާޑިއަން-ކްލާސް ޕެޓްރޯލް ބޯޓެއް ހަދިޔާ ކުރަން ނިންމައިފި އެވެ. އެކަން އިއުލާނުކުރީ އޮސްޓްރޭލިއާގެ ބޮޑުވަޒީރުގެ ނައިބު އަދި ޑިފެންސް މިނިސްޓަރު ރިޗާޑް މާލްސްއާއި ރާއްޖޭގެ ޑިފެންސް މިނިސްޓަރު ގައްސާން މައުމޫން ނެރުއްވި ޖޮއިންޓް ސްޓޭޓްމަންޓެއްގަ އެވެ. ގާޑިއަން ކްލާސް ޕެޓްރޯލް ބޯޓުތަކަކީ އޮސްޓްރޭލިއާގައި ޑިޒައިންކޮށް ހަދާފައިވާ، ކުދި ޕެޓްރޯލް އުޅަނދުތަކުގެ ބާވަތެކެވެ.

އދ. ގެ އާންމު މަޖިލީހުގެ 80 ވަނަ ސެޝަންގެ ނައިބު ރައީސްގެ މަގާމަށް ރާއްޖެ އިންތިހާބުވެއްޖެ އެވެ. އދ. ގެ އާންމު މަޖިލީހުގެ ނައިބު ރައީސުންގެ މައިގަނޑު މަސްއޫލިއްޔަތަކީ، އެ ސެޝަންގެ ރައީސެއް ނެތް ހާލަތެއްގައި، ނުވަތަ ރައީސަށް ސެޝަންގެ ބައްދަލުވުމެއްގައި ބައިވެރިވެވަޑައިނުގެންނެވޭ ހާލަތެއްގައި ވަގުތީ ރައީސްގެ ހައިސިއްޔަތުން ރައީސްގެ ޒިންމާތައް އަދާކުރުމެވެ.

ނޭޕާލަށް ސަފީރުކަމަށް އައްޔަނުކުރަން ރައީސް ޑރ. މުހައްމަދު މުއިއްޒު ފޮނުއްވާފައި ވަނީ އިންޑިއާއަށް ރާއްޖެއިން ކަނޑައަޅުއްވާފައި ހުންނަވާ ސަފީރު އައިޝަތު އަޒީމާ އެވެ. އަޔާލޭންޑު ސަފީރުކަމަށް އައްޔަންކުރަން ފޮނުއްވީ އިނގިރޭސިވިލާތުގެ ސަފީރު އިރުތިޝާމް އާދަމްގެ ނަމެވެ. އަދި ޔޫކްރެއިން ސަފީރުކަމަށް އައްޔަނުކުރަން ރައީސް ފޮނުއްވާފައި ވަނީ ބެލްޖިއަމް އާއި ޔޫރަޕިއަން ޔޫނިއަންއަށް ކަނޑައަޅުއްވާފައި ހުންނަވާ ސަފީރު ގީލާ އަލީގެ ނަމެވެ.

ބަންޑާރަ ކޮށީގެ ފާހާނާއެއްގެ ތެރޭގައި ސިފައިންގެ މީހަކު ދަންޖެހި މަރުވެފައި އޮއްވާ ފެނުން މައްސަލައެއް ފުލުހުން ތަހުގީގު ކުރަން ފަށައިފި އެވެ. ދަންޖެހިފައި ހުއްޓާ ފެނުނީ ލ. މާމެންދު އަށް އުފަން އުމުރުން 35 އަހަރުގެ ފިރިހެނެކެވެ.