2008 ވަނަ އަހަރުގެ ރިޔާސީ އިންތިހާބުގައި ވާދަ ކުރުމުގެ ވިސްނުން ގެންގުޅުއްވާ ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ. އޭނާ މިހެން ވިދާޅުވީ ބައެއް މެންބަރުންނަށް ކުރެއްވި މެސެޖެއްގަ އެވެ.

ސުޕްރީމް ކޯޓުގެ ފަނޑިޔާރުކަމަށް ސަލީމް އާއި ހަމީދު އައްޔަނުކުރަން ކޮމިޓީން ފާސްކޮށްފި އެވެ.. މަޖިލީހުގެ ޖުޑީޝަރީ ކޮމިޓީން އެގޮތަށް ފާސްކުރީ ކޮމިޓީގެ މެންބަރުންގެ އިއްތިފާގުންނެވެ. ސުޕްރީމް ކޯޓަށް ކުރިމަތިލީ 12 ބޭފުޅުންގެ ތެރެއިން އެންމެ ގިނަ މާކްސް ލިބުނީ ވެސް ސަލީމް އާއި ހަމީދަށެވެ.

ލ. ގަން ކައިރީ އޮންނަ މަހަކަންފުށި ފަޅު ރަށް ކައިރި އަށް މަސް ހިފަން މޫދަށް ފައިބާ އުޅުނު މީހަކު މަރުވެފައި އޮއްވާ ފެނިއްޖެ އެވެ. ފުލުހުން ބުނީ އޭނާ ގެއްލިގެން އިއްޔެ 9:50 ހާއިރު ރިޕޯޓު ކޮށްފައިވާ ކަމަށެވެ. އަދި އޭނާ ހޯދަމުން ދަނިކޮށް އިއްޔެ 11:00 ހާއިރު އޭނާގެ ހަށިގަނޑު މޫދުން ވަނީ ފެނިފަ އެވެ. އޭނާ ނިޔާވެފައިވާ ކަމަށް ހޮސްޕިޓަލުން މައުލޫމާތު ދީފައިވާ ކަމަށް ފުލުހުން ބުންޏެވެ.

އޮސްޓްރޭލިއާގެ ސަރުކާރުން އެމްއެންޑީއެފް އަށް ގާޑިއަން-ކްލާސް ޕެޓްރޯލް ބޯޓެއް ހަދިޔާ ކުރަން ނިންމައިފި އެވެ. އެކަން އިއުލާނުކުރީ އޮސްޓްރޭލިއާގެ ބޮޑުވަޒީރުގެ ނައިބު އަދި ޑިފެންސް މިނިސްޓަރު ރިޗާޑް މާލްސްއާއި ރާއްޖޭގެ ޑިފެންސް މިނިސްޓަރު ގައްސާން މައުމޫން ނެރުއްވި ޖޮއިންޓް ސްޓޭޓްމަންޓެއްގަ އެވެ. ގާޑިއަން ކްލާސް ޕެޓްރޯލް ބޯޓުތަކަކީ އޮސްޓްރޭލިއާގައި ޑިޒައިންކޮށް ހަދާފައިވާ، ކުދި ޕެޓްރޯލް އުޅަނދުތަކުގެ ބާވަތެކެވެ.